MYANGO

Moyo ma mboa <?xml:namespace prefix = o ns = "urn:schemas-microsoft-com:office:office" /><o:p></o:p>

(Kalati: Nimele bolo, Dipapa: 74)

Ekindi na Nyambe ba si madiane. Wen te Nyambe, bia nde ná Ekindi pe e bebe;
ba madangwa nde tanga na tanga. Ba tem te idiba na pwe, ba mala nde o jokele.
Ngedi po, Ebele, munj'Ekindi nde a mabole babo joki na bene belongisan, denge tambu la da. Ngedi nipepe, Ngobo, munj'a Nyambe nde a mabole nika.
Ekindi e nde muke-mbia, Nyambe pe mutumbe-ngonja.
Miña moo babo babane ba make nde mbia mo na mo o pula ná Ekindi a wamse sawa taks;
Ekindi pe a mabe a tumbane mwenj'ao Nyambe ngonja, ná a kuse da la buña.
Min miña mun'a Nyambe ña ngoka a maboa mbanja, o nika Ekindi na munj'ao Ebele ba nongi mo o mbo'abu ka musala.
Ba mabongwa mo na ndolo ñese. Mot'a jiba a soli o ndabo a Nyambe mwese moo, ke bato bese be o don.
Bana b'Ekindi bena ba ta ba diane mbo'abu nde ben nu moto, na babo ba kumwa te misea o bele bato.
Nu moto a putabele, a welebe o beboa.
Ekindi na Nyambe be nde moyo ma mboa. Babo momene to bito babu ba si matanga mitango tom.
Ba masuanele nde na bolane pe malea buña na buña.
Njika muñenge yeno o bene moyo ma mboa ma bwam !<o:p></o:p>

<o:p> </o:p>

<o:p> </o:p>

<o:p> </o:p>

Mot'a njembele

Mot'a njembele moo a ta a ya muna, ñena a ta nde mo kana bolo bwao, na monda mwao oñola jongwane lena a tano 'ongwane mo. Na nu mun'ao a timba a ko mbuke. Na nika e wanea sango jongele ná nga 'angwe nde mun'ao ngadi, nde momene pe a bwe momene e ? Na mun'ao a mala o muyenga buña boo, a wanea mo ngokolo nindene. Na mo a nongo ni ngokolo a wele mo oñola tandam, a kumwa dutea na ponda po ni ngokolo e si bo musima.
Kana ba si tano ba bene bato ba mabole babo bwanga, na mo 'ongele ná: " Na makeka te bola mun muano, nga mu topise to mun mpom mwam mwa muna e ? ". A bele mun'ao a jese mo o mbasan mwa diyo. Na mo a nongo wongo'a ñama a tese o diyo. A nongo ni ngokolo a pane mo o wase 'eboka, na mo a wuta ye wongo. Ni ponda wea i kumono jondea ni ngokolo o ñolo, na mo e kumwa yua ñolo. Na mun'ao a timbino topo ná: " A tete o ! Ngokolo e mapula ko o wongo e ! ". Na sango a teno musia na: " Jongise di boman mba o mbo'am e ! ".
Mo nde munia mueno natena o wenge ná : " Ngokolo e topise muna-mbuke ".

Ngila na Singi

Neni singi e timbino muanedi a mundi mwa bonañama

(le Lion et le Chat, ou comment le chat est devenu roi du village)

Ngila e ta nde kiṅe a bonañama. Buña te, dio la mboa diwo di ta di wana mot’ao mo o kwalisane ngila. Boja bwa ngila bo ta etum na mundi mwa bonañama, o mune mùdi mwa mopi, bebe na sepe.

To nja nu ta nu pula jekamene mopi, o wala jene ngila, a ta nde angamen landa o moñ’a mukoko . Singi po e boli nde nika mene. Niponda ni enno edingeding’ao o madiba ma mopi, na mo ni’ongele  na singi nipepe nde ni e nika. Nde e timba so nà edingeding’ao nde e ta nika. Nika e boli mo a weka mwano o londo ngila na byala, na bola mo na e ko o madiba e wo !

E poino o mboa ngila, e kwalane mo na : "Sango’asu, moto mô e o ngea wo, a ma yaṅa oa mene na janea longo, a m’eka bato o po o mbo’ango".

Ngila e sengino nika, e tem nde na malinga, mo na singi na : "To lee mba wuma nu moto eno, na ma pula lee mo nja n’eno".

Ba poino o mu mukoko, na singi kwalane ngila nà : " O wan so nde nu moto eno, keka te landa o moñ’a mu mukoko, o mende jene mo dibokimene".

Ngila  ni enno edingeding’ao o madiba, e kumo nde kimea mo, ni ongele nà nu moto mene nû, ñena nu ma tengene mo. Na dibokimene ngila e pota o mukoko, e ko o madiba e wo o ten. Singi ni enno nika, na mo e dekwe mila o mundi, e langwea bonañama na ngila e wedi. Nika so nde bonañama ba timbiseno singi  kiṅ’abu.  

O e te muanedi, o si kasa malea mese !

Le lion était le roi des animaux. Chaque jour, chaque clan du village envoyait quelqu’un pour parler au lion. La demeure du lion était très éloignée du village, de l’autre côté du fleuve, près d’une chute d’eau.

Quiconque souhaitais parler au lion devait traverser un tronc d’arbre qui servait de pont. C’est que fit le chat, quand il vit son reflet dans l’eau, il crut d’abord qu’il s’agissait d’un autre chat, mais il finit par comprendre qu’il s’agissait de son image. Alors il imagina un piège pour tromper le lion, afin qu’il tombe dans l’eau et meurt.

 Lorsqu’il arriva chez le lion, il lui dit : “ Sire, Il y a quelqu’un là bas qui vous méprise, ainsi que votre royauté, et il empêche les gens de venir vous voir.”

 Lorsque le lion entendit cela, il se leva, rouge de colère et dit au chat : “ Venez me montrez cette personne, je veux qu’il sache qui je suis”.

Quand ils arrivèrent près de ce tronc d’arbre, le chat dit alors au lion : “ voici, c’est là que se trouve cette personne, si vous montez sur ce tronc,vous le verez tout de suite”

 Le lion aperçut son reflet dans l’eau, et il se mit à gronder, à rugir, croyant qu’il s’agissait de cette personne qui osait contester son autorité. Soudain, il trébucha, tomba dans l’eau et mourut. Quand le chat vit cela, il couru au village, annoncer que le lion était mort. C’est ainsi que les animaux firent du chat leur roi.

Moralité : ne pas écouter les conseils de celui qui vous convoite votre trône. Le chat était convoiteur, l'excès de crédulité à conduit le lion à la noyade.

Eleedi

- O e te muanedi, o si kasa malea mese : quand tu es chef, n’accepte pas n’importe quel conseil.

- O dangwa, o engame, wase e lambi nde moto o tanga lao la londo tenge : lorsque tu marches, regarde à gauche et à droite, fais attention à chaque pas.

- O bese mbaa, w’ombwa muni : lorsque tu coupes l’igname en tranche, fais attention à ton doigt

 - Musomba mu buki ngiña : la ruse vaut mieux que la force

Engingila ye!

Contes et Proverbes Duala pour l’enseignement

Dipapa : 42, Jean-Marie Epée.

Les contes audio du receuil par M. J-M Epée & Mlle Moto Régine, pour les chants "ngoso".

Beaucoup de contes recueillis auprès de mudimo mwa Ebellè Kalla Louise, à Bonantonè, en novembre 1977, de Mudimo mwa Teresa Ebellè-Tobbo de Bonateki & de Jean Moukouri à Bonantonè.

Alors pourquoi le chat s'appelle singi ?

Ngila  désigne le lion, et le nom singi  provient de “si ngila”, soit  sous-lion, lion de classe inférieur, petit lion.

Esanja mbasi

mutango mwa lonon

Modi mw'ewake na bona bato

(La femme gorille et les hommes)

<?xml:namespace prefix = o ns = "urn:schemas-microsoft-com:office:office" /><o:p></o:p> 

<o:p> </o:p>

<o:p></o:p>

Mot'a jango mo a ta a ja o yidi na munj'ao, na mun'abu ña mwenge. Buña te a ta be a'alo te o jango, munj'ao a ma jane nde muna o mboa, dongo la ngedi a'alane mo o monda. Ponda te a tano a po o monda, a ta nde a nengele muna o konda, mo pe a sa bebolo.

Nde ponda na ponda te na tano a dia muna na mo mene o ebamban, muna pe eya mbembe, modi mw'ewake mo a ta po o jongwane mo o lele mun'ao. Nde nu muto a si ta a bwane nika muñenge. A ta nde a tokisane. Buña bo, nu muto a kwalane mum'ao nà modi mw'ewake mo a yoki po bambe mun'abu, a ma bwa bongo nà e bie be a ñane babo muna mila.

O wa so nde nu muto, babo na mum'ao ba wekino mwano o bwa mu modi mw'ewake. Bone bwao, babo babane ba alo o 'yidi. Mumi a wutame o mbusa tina la myele, muto pe a kumwa sa makwamba, nde ba nengele pe muna. Jindea to son, muna a kumo o jea mbembe; na mombale Ewake pe a po o bambe muna. Muto pe a te nde musea mundene o bele mum'ao na a ye bwa modi mw'ewake. Mumi pe a poi jangwa ibon, na ngad'ao, o pula bwa mo. 

Mo so nde modi mw'ewake 'eseleno muna a ko o sunga ñolo, na ibon e suba mo e tapa nde muna, na muna a wo.

O ten nde modi mw'ewake a ñino mila, na mo a kwalane muto nà : " na ta nde na lele, na si ta na bwa"

" e si we to na mba, e timbi nde wa na oa mene".

 Ee, a ka mbale,  mbolon mwa mun'abu a timbi nde o weya babo na babo mene, oñola nà ba puli bwa modi mw'ewake. To nja so nu puledi nune bobe, ke nun mo e nde jongwane mo, a bie na miano mao ma bobe mese mi mende nde o timbea mo, ibon'ao ni mende nde tapa mo.

Iyo a bobe na muna bonam

Mère avare, fils prodigue<?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

Njo na Mbodi : la panthère et la chèvre

Ngiña mulema e ma sunga moto to natena kwedi. <o:p></o:p>

( comment le courage peut nous sauver des situations les plus désespérées) <o:p></o:p>
 

Buña bowo, Mbodi e ta e nanga o moñ'a dale dindene, bebe na tongo. Nde e kumwa lama tambu lao la bewudu. Kana nika e tano nde walea na malongolongo ma buña, na njo pe e po ño madiba ebiamu ka kolongone. Wa nde e bomaneno Mbodi, na mo e kumwa jombwa Mbodi na  joṅjoṅ. Nde Mbodi pe 'ombwa mo na pii esibe bongo.<o:p></o:p>

Na Njo e kwala na momene na : "Ninka ni e nde mba musima mundene, ebanja nà na si dedi to lambo botea idiba".

Na mo e kimea Mbodi na ngiña , ka doi la ngad'a loba na : " Nje o ma bolano o wa ? Nje pe o eno o da nika ?". <o:p></o:p>

Mbodi e si pelane mo to lambo, e nanga nde e si be bongo. Na Njo e bata pete baise mo na ngiña na ngiña. Na Mbodi e bola mo jalabe na doi la moñ ka lao, e kwala na : " N'e nde o da man madale, wuma na nangano, nde bia pe na na bole te da mo, na ma po pe  nde da oa momene... ".<o:p></o:p>

Din jalabe la Mbodi di bwese Njo maladi, ebanja mbodi to po e si kimedi Njo o longe. Na mo e dutea na e titi mbodi a téte, yangamene nde be ñama nipepe ni e bowon ba mbodi, ni ma de pe na madale, nde e bole te da mo, e ma po pe nde o da mba. 'Wa nde Njo e tubino miila o sunga longe lao. <o:p></o:p>

Denge na Mbodi e ma kwala na: "Ngiñ'am ña mulema e lénédi mba jongise, e titi pe njom na na tike nanga o wan, e si ya be di boli ndabo'a wuba di bola pe ndabo'a belela...". na Mbodi pe e dekwe miila wala o mboa.<o:p></o:p>

 <o:p></o:p>

Dibie : moralité

Yetena Mbodi ni e nde ñama, e bolane ngiña mulema, ngedi ininga na oa moto a benama e ? Keka so bene ngiña mulema ke o mapula jana ewenji a bwam, nde o mende tombwane ...<o:p></o:p>

 <o:p></o:p>

Bolo o boso. Colad, dipapa : 36, jokwa di londe dom na samba.<o:p></o:p>

  Byingedi : Pourquoi le conte ?

Le  conte de chez  nous a souvent été considéré comme une affaire  des anciens. Et pour beaucoup c’est une entreprise  inutile  et  insensée que de recueillir des contes, pour les jeunes, c’est une tradition  qui n’a plus rien à voir avec notre monde d’aujourd’hui. Beaucoup de jeunes ont du mal à se reconnaître à travers un conte qui emploie une langue ancienne, cependant une fois franchie la distance qui les sépare de la langue des contes – ce  qui est facilement réalisable  avec un peu de finesse d’esprit  et d’habitude -  les jeunes auront vite fait de saisir le message du conte et de comprendre ses actualités avec toutes ses incidences dans la vie moderne. Il devient ainsi  un véritable maître qui leur permet d’être mieux enraciné dans les traditions [….].

<?xml:namespace prefix = o ns = "urn:schemas-microsoft-com:office:office" /><o:p></o:p> 

Jean-Marie Epée, Engingilaye, préface.

 Ndimbisedi nde e ñango' a jokwa !

<o:p>La repétition est la clé de l ' apprentissage.</o:p>

<?xml:namespace prefix = o ns = "urn:schemas-microsoft-com:office:office" /><o:p> </o:p>

Ngingi na Edima<o:p></o:p>

<o:p></o:p>

 ( la mouche et la couleuvre )<o:p></o:p>

<o:p> 

</o:p>

<o:p> </o:p>

<o:p> </o:p>

<o:p></o:p>

Dipapa 25,<o:p></o:p>

Charles Koumba, Colad,   2001

<?xml:namespace prefix = o ns = "urn:schemas-microsoft-com:office:office" /><o:p> </o:p>

Esaka na Etamè ba mala o mitin<o:p></o:p>

<o:p> </o:p>

Yin idiba, ndomè a pomanè o belè Esaka na Etamè. Ba wenno iyo, a kwalisanè babo na ba bonsanè o wala o mitin. a boli babo mboti, betambi na nyopinya ya penya. Ba bolèno o boto, Esaka na Etamè ba pèpè mutoa, mwena mu tèsè babo bèbè ndabo a mitin; Ba poino o ten, ba bomanè na kristen i ma londa wuma yèsè. Ba wasi bepolo bebaa, na babo ba senga eyala bosangi mutopedi a langino. Wuma yèsè i ta na pii, ebanja epasi ya Bibèl ba tano ba langa e ta e langwa myango ma yabè la Yesu. E nde dikom la bana basadi. Esaka na Etamè ba sengi myenge ma bosangi kristen i tano i longo, nde Esaka a si ta a bia longo mi myenge. Mutopedi a bolèno o kanè, ngèn° i kumo o joba. Kristen tè e tèm, e sanga njangi nya sondi, Esaka a nongi dom la flanki, a wèlè mo o mwonjo mwa njangi. Nde Etamè a bangi o bola moni mwao.<o:p></o:p>

<o:p> </o:p>

<o:p></o:p>

Mpon° mu si doli<o:p></o:p>

<o:p> </o:p>

<o:p></o:p>

<o:p></o:p>

Esaka na Etamè ba wuno o mitin, Ndomè a baisè babo nga moto tè a sangi moni.  Esaka a pomanè o jalabè, nde etamè nu si ta nu bola to lambo o bo bongo na ba ma dipa mo, na mo pè a wondo ndomè na a sangi njangi. <o:p></o:p>

<o:p> </o:p>

Nde, o busa lao, a puli o nya miila, na moni mu ta mo o mukuta mwa mboti mu ko o wase. A bo ison, nde Ndomè a si dipi mo. ebiamu, a belè nde essaka na Etamè, na mo langwea babo myango ma Esèngè : <o:p></o:p>

<o:p> </o:p>

Esèngè a ta nde muna mun mundi. A ta a ja babo na sango, na nyango. Nde lambo diwo, Esèngè a ta a tondo mpon° jita. A ta a kolongonè o langwea bato na mo a bèn myanga ma nginya jita. A ta pè a kwala na mo a bèn niya.  Sango na nyango ba woli o kimea mo a su kumwa pè o sesèè na a bèn nje e titi, nde esèngè a si ta a pula tukwa bedèmo.<o:p></o:p>

<o:p> </o:p>

Bunya bo, mudun a muto a ta a tè misea ebanja nyama-bwaba e ta e busa o dikundu lao. A kumo so o bélè moyo mwao mwa mboa na bato bapèpè na ba ye o bwa ni nyama.<o:p></o:p>

<o:p> </o:p>

E sèngè a sengi no tè na nyama-bwaba e busi o mundi a botedi pè tè nde o langwea bato na ni nyama-bwaba e titi na kukwa mo.<o:p></o:p>

<o:p> </o:p>

Nyango a sengino na Esèngè a ni topo pè tè mpon°, a bongèlè mo na nika a tondino o sésèè, a nonge jangamènè eyeka ebanja ni nyama-bwaba e si mokanè loko. Nde Esèngè a boli nde biana seto mo nde be no o kwalisanè.<o:p></o:p>

<o:p> </o:p>

A yombi nde o dikundu, a pata bewudu beba,na mo a kumwa o wuwa mo. A bolèno dimadimanè, a tindi nde bato, bena ba ta ba dingèlè manda ma nu nyango, na mo a baisè na ba leè mo wuma ni nyama e wutamèno.<o:p></o:p>

<o:p> </o:p>

Bato ba kumo nde yolo. Na babo ba kwalisanè Esèngè na a si wasa nje e buki mo. Esèngè mo a sengino tè be byala, a bati nde o sisea nyama o nyolo, ni nyama ni’ ènno Esèngè. E pomanè nde o wulamè o tina la jon di ta di dèbè o di dikundu.<o:p></o:p>

<o:p> </o:p>

Dibokimènè Esèngè a bum nde lo; na mo a kwala na : “binyo bèsè ombwa so nèni nyama e ni bwa no mba bongo”.<o:p></o:p>

<o:p> </o:p>

Esèngè a bolèno o kwala nika, a puli na bato bèsè ba biye na ma nde e mayowa. Na mo a bata o sisea bèbè n ni nyama. A kukè miso, a kumwa topo minyungunyungu biana a ma pula nde o kanè.<o:p></o:p>

<o:p> </o:p>

A bolèno o bola nika, Esèngè a botedi nde o belè ni nyama-bwaba na ben byala na : “ mba nde na ma belè oa, mba Esèngè, dikom longo, na janea longo, siba o di jon o wulamèno. O ye o nanga mba o myende”;<o:p></o:p>

<o:p> </o:p>

Nde be byala ba Esèngè be si soisè ni nyama. O wa nde Esèngè a wasino o kwè ni nyama la mulopo. Dibokimènè nyama-bwaba e labi. O mulopo na Esèngè a timbe o mbusa, a bati pè tè nde o putea nyama na maa. Na ni nyama e bata pè tè o laba mo.<o:p></o:p>

<o:p> </o:p>

Ja to son, dia di botedi nde tulamè Esèngè, natèna ponda a kwedino o wase. bato ba pomanè nde o bambè mo, na babo ba timba o walanè mo o dokita.<o:p></o:p>

<o:p> </o:p>

 Ndomè a bolèno o langwea mi myango Esaka na Etamè ba ta munyèngè jita. Babo babanè ba sontanè na Esèngè mo mènè nde a wasi nje a kusino onyola mpon° mwao mwa jita.<o:p></o:p>

<o:p> </o:p>

<o:p> </o:p>

<o:p> </o:p>

© Di bate pè tè o jokwa duala , 1984<o:p></o:p>

Sango Nsemè Cledor<o:p></o:p>

Mapapa  :  botea 20 natèna 29 <o:p></o:p>

Wudu a ma lemsè njo na ngubu.<?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

<o:p></o:p> 

Bunya bô, wudu a bomanè njo a ma bola ebolo, na mo a kwalanè mo na: “A njo, o kolo buka mba, nika ni e mbale, nde o mongèlè na o e pè nginya bukwa mba e ?”<o:p></o:p>

<o:p> </o:p>

Na njo a timbisèlè wudu na : “ oa mènè o bi na to moto a titi na a tèmè mba o boso, ngedi ininga na oa e ?”<o:p></o:p>

<o:p> </o:p>

Na wudu a kwala pè tè na : “ A njo, yetèna o e nginya, di mombwa o teten’a biso na oa, nja nu ma dutè nunè, di wase mwasa mwa bwaba, o ma duta o su diwo, mba pè dinè su”.<o:p></o:p>

<o:p> </o:p>

Wudu a bolèno o topo, a soli nde o njongo,  wasa mwasa, na mo a tingè njo mo o eyodu, na mo a langwea mo na : “ o si benga duta , na tèna ponda o ma senga no  musea mwam”.<o:p></o:p>

<o:p> </o:p>

O mbusa nika, wudu a sibi nde o dibo, a belè ngubu,  na mo a baisè mo mulemlem mwa myuedi a baisèno njo. Ngubu pè a timbisèlè nde mo na:  pomanè jasumwè mba o boso na ni koko”.<o:p></o:p>

<o:p> </o:p>

Nde wudu a si peli. A kwali nde na : “ tèmè bèbè na dibo, o dute mun mwasa na kwèno; Mba pè na mondea mudongo na dinè su la musinga.”<o:p></o:p>

<o:p> </o:p>

Na ngubu a kwalanè wudu na : “son, di pomanè botea”. Dibokimènè, wudu a tingè nde di su la mwasa o masonga ma ngubu, na mo a langwea mo na: “ engèlè mba, ponda na matèno musea, kè penda e ma botea !”<o:p></o:p>

<o:p> </o:p>

Wudu a bolèno kwalisanè ngubu, a soli nde o mbutu mo, na mo a sèlè o buma lo. A bolèno, a dango pè tè son, natèna ponda o poino o mongo maba ma ngea, wuma yena njo to ngubu ba si wusano o jènè mo. Na mo a wutamè o wase a mukoko, a te musea mundènè.<o:p></o:p>

<o:p> </o:p>

Dibokimènè, ngubu na njo ba botedi nde bwema, moto tè a duti mwasa, a duta natèna ebiamu. kièlè, ba botedi pè tè o duta, moto tè, yao epasi. Nde to moto a si wèli o duta nunè. Ponda wudu a sontanèno na ngubu na njo, ba ma wolo eyeka, a tè nde musea mundènè : “ penda e bo nika !”.<o:p></o:p>

<o:p> </o:p>

Na mo a sèlè wala bupè njo, a baisè mo na : “na si ta na langwea oa na o titi nginya buka mba e ? Ombwa ! O si w’li to o soisè mba.” A bolèno, a sibi nde mudongo, na mo a kwalisanè ngubu na: a ngubu, o titi so jènè e ?  Mba nde ne wudu. O titi nginya buka mba!”<o:p></o:p>

<o:p> </o:p>

Botea bo bunya ba sengi tè dina la wudu, ba ma bola mo edube ! <o:p></o:p>

<o:p> </o:p>

<o:p>Engingilaye ? Ewese e !</o:p>

<o:p></o:p> 

<o:p></o:p> 

<o:p></o:p> 

<o:p>Sango Nsemè Clédor</o:p>

<o:p>Di bate pètè o Jokwa duala, dipapa 56</o:p>

<o:p> </o:p>Njo na Mweme<o:p></o:p>

La panthère et la chauve-souris

Njai e ta ni’alea njo po  jita. o bupe lao la ñama a dolino da, e timbi po o tina bwele po. E paleno miso moñ’a bo bwele, na mo ene mweme mu paname o mukanjo mwa bo bwele, mu e o yengilane na ngo. <o:p></o:p>

O wa nde njo ni’ongeleno  na kana mun mweme mu mendeno o ko o wase son'a ponda, e titi pe njom o mo takise ñolo bupe yine ñama. A engele natee , pula na mweme mu ko o wase, mu si ko.<o:p></o:p>

Buña bo timbi so windea njo o wa wuma, na mo e timba bolone ñama e tano e bupe , to mweme pe e si kuse. <o:p></o:p>

O wa nde Duala ba soino munia na : jengele la mweme di timbi bola njo a bolone bwema.

<o:p></o:p> 

Eleedi : Ndutu na mapoko, bwala pe na njai !<o:p></o:p>

Engingila ye ? Ewese e !<o:p></o:p>

<o:p> </o:p>

Une panthère était très affamée. Poursuivant la proie qu’elle devait manger, elle finit par arriver au pied d’un arbre. Ayant levé les yeux sur l’arbre, elle vit une chauve souris accrochée à une branche et balance par le vent.

Alors elle pensa qu’étant donné que cette chauve-souris tomberait bientôt par terre, ce n’était plus la peine de se déranger pour pousuivre d’autres animaux. Elle attendit longtemps que la chauve-souris tombât, et celle-ci ne tombait pas.

L’obscurité finit par s’abattre sur la panthère restée  encore là; elle perdit l’animal qu’elle poursuivait et n’attrapa pas non plus la chauve-souris.<o:p></o:p>

<o:p></o:p>C’est ainsi que les Duala ont trouvé le dicton suivant : “ l’attente de la chauve-souris finit par faire rater la chasse à la panthère”.

Moralité : effort et sassiété, paresse et famine.
<o:p></o:p>

• Kalati : Engingila yê ! Contes et proverbes duala

• Mutiledi : Jean-Marie Epée

• Dipapa : múmutoba na beba <o:p></o:p>

• Masoma na biño oñola jongwane, J-M Epee,