LE VOYAGE DU PELERIN

Nin kalati e ma langwa nde myango ma mudangwedi mo,  nu kati bekombo na bekombo, o ponda Bibel.

----------------------

Kalati ñèsè o Mboko m'ekwali ( tout le livre publié au Mboko par Nséké)

— 5 —

« Yesu mo ná di pańe na bwēbwē,
« Ka ngus'a betrukaŋ di bole mwaye,
« Di pange mwititi o wase 'wan,
« Oa o longo tongo, mba pe o lam.
M.B. n° 613.

Mun'a sango asu Paulo mo na : Bolea la Loba di tengen le nde ka mukuku ma ńol'a moto mu bambe belongi bao bese. Ńolo e mawele nde bene ja la bwam ke elong'ao t'ewo e si kusi njom. Nde elong'ewo e lumaluman te na mo e numea, ńolo ńese pe e mańama nde...
Nje Paulo a mapulano jongele o wan wuma ye nde na : To njika boso b'ebolo nde o masobeno, bia nde na oamene ná oe nde eweked'a dia Lao (mun'ao ńa jayele), o titi mwen to njan, nde musangwedi mwemba na Basangedi...
A m'ala o boso, mo na: Nikamene pe nde Loba lasu le o Moń, a maweleno bwa muńenge ke o boli, o ńongo ngudi, to njika son ebol'a ndolo nde e mawele busise na pandise dina Lao o matumba na bekombo.
Bon bwambo ba Paulo nde bwesele mba na kumwa juabele o ndabo na ndabo a Mot’a-Kristo te na m'ingeano, min myuedi na : Ayo, oa na, ye ná e bobea oa kusea biso kalat'a « LONDO LA MUDANGWEDI » ? Min myuedi nde, a Bonatete, bana b'ekombo am, myesele mba 'kaka masonga o mudumbu o busise pete nin kalati peńa o miso mańu, ńena nin nde ńe ngedi ni londe ilalo o busise mo o bwambo ba Duala o mbus'a Rev. J. J. Fuller na Josef Ekolo, Balēdi basu ba boso ba Myango ma Bwam.
Benamsedi ba nin kalati, di pitē nde mo na Loba.
Duala o modi ma Déc. 1951.
MPONDO Epee (Walter).