• Janea Di Ben Edube Na Ngiña!

    Par Lily42 dans 3 EBASI - Exhortations le 26 Mai 2015 à 14:36
    Un Royaume de Gloire et de puissance
    (envoi de Jeanne-Charlotte)
     
    Bolanga Ba Eyal'a Loba ya wenge o MYENGE MA MBALE
     
    MOSU 25 EMIASELE  
     
                                                   Pasto Chris : Janea Di Ben Edube Na Ngiña!
       
    Bebolo bongo bese be sese wa, a Yehova, badubedi bongo ba namse wa! Ba kwale oñol’edub’a janea longo, ba topepe oñola ngiñ’ango, o bise bonabato bebolo bao ban gum n’edube yasam ya janea lao (Myenge 145:10-12). 
     Diwengisan na nje jita la bato ba mongeleneno, Janea la Loba di titi omoñ; ye nde byanedi ba Loba, weni A timbino Sango; weni A timbino Janea nde A madieleno pe; weni Eno o bediedi, nde a leye pe Momene—Edub’Ao na bwam Bao. Ye nde Janea la mambo ma mudi, o yabe so nde otetena di janea ponda o yabeno pete peña.
    Epas’asu ya bebotedi e mabise biso lambo la mweña eyeka jombwea Janea la Loba je no banonge dongo: ye nde Janea na edube na ngiña! Sontane byala ba Mulonge Myenge, mo na, basangedi ba Loba, nika ñe nde biso, bangamen topea edub’Ao, nde ba topea pe ngiñ’ao. A bolane pe eyala epepe ya bwam jita—“bondene b’edube ba Janea Lao.” Nika ñe nde ná o Janea la Loba, bodolo na mwaye mwe oten.
               Jangamen bene miso masu ma mudi matelame o jene na bwane  bondene ba Janea l’edube la Loba na je nde banonge dongo mwemba na mo! Le nde Janea o weni diboa di titino mbale! Le nde Janea o weni dipea leno mwen; weni o titino na o bolone. O din Janea nde di benebeno. I Petro 2:9  mo na, “Nde biño le nde ñon°on ni posobe, mwemba ma prisi ma kin°e, tumba la bosangi, bona bao a kombino, ná lolangwe bebolo ba bwam ba nu ñena nu bele biño o jasumwe o mwititi o po o mwenen mao ma betañsedi.”
    Ongele nje epas’asu ya bebotedi e kwalino; ná basangedi b’angamen topea edube a Janea Lao. Biso nde je ba bena b’angamen ye bepuma ba edube o di Janea nde di camane mo bepasi bepepe. Etum te di madangwano nde na mbad’a dutea ná nu nu titina nu dipea – nu mabuki ka nu peti, nu timbise be dibie na ntike o mese- o maleye edub’a Janea la Loba. Edube nde e mawane jasame nde e ya pe bepuma  ba esese; etum te o madangwano o Janea, o bola na topo mambo ma mawane jasame, edube na esese na jowe Sango, o mabise nde edub’e a Janea Lao.
     
    Muka
    Tete ña ndolo, nasom wa ná o bele mba otetena Janea longo l’edube, o timbisele mba munonge dongo ña sango la basangedi o mwenen! Na madangwa o edube, janea na ngiña wenge; leye mabola mongo ma betañsedi na bola longo la bwam, nete, na ntike o Kristo, o Dina La Yesu. Amen.
     
    Jokwa La Njiba
    Yohane 15:5
    Efeso 2:10
    « Vernissage de Bill Akwa Bétotèune douce version de "DA LONGO" »

  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :