MYANGO

Moyo ma mboa <?xml:namespace prefix = o ns = "urn:schemas-microsoft-com:office:office" /><o:p></o:p>

(Kalati: Nimele bolo, Dipapa: 74)

Ekindi na Nyambe ba si madiane. Wen te Nyambe, bia nde ná Ekindi pe e bebe;
ba madangwa nde tanga na tanga. Ba tem te idiba na pwe, ba mala nde o jokele.
Ngedi po, Ebele, munj'Ekindi nde a mabole babo joki na bene belongisan, denge tambu la da. Ngedi nipepe, Ngobo, munj'a Nyambe nde a mabole nika.
Ekindi e nde muke-mbia, Nyambe pe mutumbe-ngonja.
Miña moo babo babane ba make nde mbia mo na mo o pula ná Ekindi a wamse sawa taks;
Ekindi pe a mabe a tumbane mwenj'ao Nyambe ngonja, ná a kuse da la buña.
Min miña mun'a Nyambe ña ngoka a maboa mbanja, o nika Ekindi na munj'ao Ebele ba nongi mo o mbo'abu ka musala.
Ba mabongwa mo na ndolo ñese. Mot'a jiba a soli o ndabo a Nyambe mwese moo, ke bato bese be o don.
Bana b'Ekindi bena ba ta ba diane mbo'abu nde ben nu moto, na babo ba kumwa te misea o bele bato.
Nu moto a putabele, a welebe o beboa.
Ekindi na Nyambe be nde moyo ma mboa. Babo momene to bito babu ba si matanga mitango tom.
Ba masuanele nde na bolane pe malea buña na buña.
Njika muñenge yeno o bene moyo ma mboa ma bwam !<o:p></o:p>

<o:p> </o:p>

<o:p> </o:p>

<o:p> </o:p>

Mot'a njembele

Mot'a njembele moo a ta a ya muna, ñena a ta nde mo kana bolo bwao, na monda mwao oñola jongwane lena a tano 'ongwane mo. Na nu mun'ao a timba a ko mbuke. Na nika e wanea sango jongele ná nga 'angwe nde mun'ao ngadi, nde momene pe a bwe momene e ? Na mun'ao a mala o muyenga buña boo, a wanea mo ngokolo nindene. Na mo a nongo ni ngokolo a wele mo oñola tandam, a kumwa dutea na ponda po ni ngokolo e si bo musima.
Kana ba si tano ba bene bato ba mabole babo bwanga, na mo 'ongele ná: " Na makeka te bola mun muano, nga mu topise to mun mpom mwam mwa muna e ? ". A bele mun'ao a jese mo o mbasan mwa diyo. Na mo a nongo wongo'a ñama a tese o diyo. A nongo ni ngokolo a pane mo o wase 'eboka, na mo a wuta ye wongo. Ni ponda wea i kumono jondea ni ngokolo o ñolo, na mo e kumwa yua ñolo. Na mun'ao a timbino topo ná: " A tete o ! Ngokolo e mapula ko o wongo e ! ". Na sango a teno musia na: " Jongise di boman mba o mbo'am e ! ".
Mo nde munia mueno natena o wenge ná : " Ngokolo e topise muna-mbuke ".

Nyango'am
(Kalati: Nimele Bolo, dipapa: 199-200)

1- Nja nangamenno soma,
na domse te na Loba,
Oñola ndolo nindene,
ni boli mba na teme ?
Yeye nde e nu moto.

2- Nja nu sebe mba o maa,
nu nengele mba bwanga,
ke na woli, na bobi,
na miso ma mulombi ?
Yeye nde e nu moto.

3- Nj'a ñongise mba dibe,
nu loki pe mba to ne,
o pond'a njai na ñongi,
ke na salo ka ngongi ?

Yeye nde e nu moto.

4- Nja nu salise ses'am,
nu timbise mba mutam,
ñe mba mot'a mulema,
natee mwenen mu dima ?
Yeye nde e nu moto.

Kala ña mboko m'ekwali.<o:p></o:p>

Pai

(Kalati: nimele bolo, Dipapa: 87)

1 - Na titi mwen to wuma,
na boki, ne o mbumwa;
myango ma bonabato
mba na malangwa mo.

2 - Noko bia eyidi;
mubuke-mba a titi.
Na yabe nde na bope,
bwele bo tondobe.

3 - Tatan ne nde o munja,
bodu te na mabusa;
o myopi to o tube
na si masuba be.

4 - Na bi jita la mambo
di timbise mba bwambo;
myango ma kwang to peña
mi titi mba mweña.

5 - Ne nde ka yomayoma
ba yokino pe koma.
Nja nu si bi edub'am ?
Pai nde ñe dina lam.

Kala.<o:p></o:p>

KEMA
(Nimèlè Bôlô, dipapa 106)

1. Dina lam ná kema,
na i mawo o bwema.

Ne bowan na jangwa,
to nja a bi langwa.

2. Na yabane moto,
na tondi pe loko;
na bi dinga mondo
o to njik'ebongo.

3. Bepuma na mbasi
na mada na wasi;
o pond'am nya njai
to diwo na si sai.

4. Na bi mulandako
omony'a mikanjo.
Na ben pon so dina
oteten a bana.

Kala ña mboko m'ekwali.