E moñ moñ

Masoma na oa,<br /> <br /> Na som oñola mwèndi. Tô njika jongwanè wenô na o wanea moto, tô njika bwam wenô na o bolea moto, bo ma wana nde minam yèkèi tè. <br /> <br /> Mbembe i s'angamèn o bè ka eyal'a Miango ma Bwam (paroles d'evangile). Na tôndi byala ba minia, mbemb'a jita i ma tuba misô, i sengisè mulopo sese, nde titimbè nde e ma wanè tombwanè. Tô nja nu boli ebol'a bwam, ebol'a ndolo, tô e bè nde njika son, Tetè Loba a m'itisè, ebanja e nde Loba la mwitako. Lambo tè na ponda, ponda mbembe na ponda lô, ponda wumsè na ponda ebolo...<br /> <br /> Mudio bebe bebe, ebe yondea, ebe e siba. Tô moto a kô, tô lambo di si m'eka mô o tèmè peña, tô a nimabèlè nde, tô a kwedi nde na mô mènè, bakèlè e si m'alanè tô moto etum. Epol'a boso ye nde ya Loba, Mô a titi tè o boso, tô lambo di titi na di dangwa.<br /> <br /> Yen etèsèn ye nde tôn la madiba o munja, basango na bañango ba si tôpônè tè bana myambo, bana pè ba si wasi tè o bia jokwa na babô mènè, kaponda ngud'abu, tô lambo di si ma tukwa... Bato jita ba ma bola jita la mambo o dôlisè bosèdi bwasu. Moto tè na ñao ngudi.<br /> <br /> O Titimbè na Dubè nde Abraham a timbinô mun'a dipita Isaac : "Tout est possible à celui qui croit "<br /> <br /> Ngenget'asu pè e ma paña nde ka yinè. Loba a namsè oa na bona bôngô bèsè, musango mwao mu bè o teten'a manda môngô.

Manganga ma boti Yongo ma nde ma njako na matanda.<br /> Na di si timba so manganga ( ma bolone epol'ao ya boso), di s'esele matanda na ma yambe. Di si ya be di kumwa pete o jeya mbemb'a MOT'A SAWA