Njang'a myuedi

Njang'a myuedi :

Quand les fondements sont renversés, le juste que ferait-il ?

Ka moto nu sontan, ka moto nu tèm, ombwèè, uèlè oa mènè :

Ne ndé nja, na wu ndé wè, na m'ala ndé wè,na m'ala ndé ten na nja ? Nja ñe mudied'am ? Na lakisanè ndé na nja ? Nja ñe mba dikôm na etôndè ? Nja pè ñe mba ka pé o ngea ? N'angamèn o panda na nja ? Musina mwam mu m'alanè mba wèni na mapulanô e ? Nga mu ma pimbisè nde mba ?

Oñola nje misô mam ma m'ènènô take e ? Njôm'a misôdi ñe nde nje e ? Natèna suninga mbô i mèndènô o latèlè bato o wase ka betutan ba myende e ? Oñola nje mbendu i ma ñawanô mbôt'a bawonja e ? Nèni nuwedi enô na anea o môñ'a baweña e ? Nje ye njôm'a diwanjè e ? Nèni ñelema a ma yuèlènô badibiè e ? Nèni mot'a bobe a ma suanô muka o mbasan mwa musangedi e ? Oñola nje musangwedi a ma pôndônô da lao o wase kè yomayoma a ma tèsè myende o môñ'a tebedi e ? Bana ba si dedi, nde mbô yula e ? Ndolo na etôndè ba dimbabèlè, nde mpungu na ebwan b'anea e ?

Lambo di si m'ala, mambo ma si m'ala, môngèlè ma pungwedi, beyoto be bulabèlè : a nu tèm a sîm, sengisè doi lôngô !

Ombwèè, atèlè, nde Sango alabè oa, nde o kuse bonam : misô mao ma bosangi ma si ma wèlè ñakaka, Edub'ao e si na wèlè mbindo, Bosangi bwao bo si dômônè lobango.

A SI TUKO, A DIA MULEMLEM PÔKÔPÔKÔ, o bi ngea, bupè mô.