Charlotte Odette MBANGO SAME

Charlotte Odette Mbango  Same

A yabe nde o 16 dibaba mwa mbu mwa 1960 o Duala, na sango Same Njo ña Bona Pokosi o BonaMuti, ñango pe a ta nde ngonde Sopo, o Bona Piso.

doi la mbembe (ngoso)

Nja mo nu bo ni njou ? Nja mo nu bo ni njou ?

Nd’a dimbéa pondo Mbango eeeee ?

 Njika Mbango, njika Mbango eee ?

Mbango mwa Same e !

Mba nà njika Mbango e ?

Mbango mwa Same e !

Sam’a nja ? Sam’a Njo !

 A mengu oo, na lomedi biño mwendi

Nde lo si poi pe kwedi e !

A mengu o mba na lomedi biño mwendi

Nde lo si timbi pe po o kwedi eee !

 Nja so nu bo ni njou ? Nde embele pondo Mbango ?

Na ma kwala nde na njika Mbango ? Mbango mwa Same e !

 A Mbango ña mulema, wala so bwam

Londo na selele,etum na miso bebe na mulema

njou e si m’embele bambe MBANGO

A ta ndé mut'a jemea na la sibisè la ñolo. O mbu 9 nde a botedinô o longo o mandabo ma bebabi, ke o Nitif ña Sango ña Mbambe Pa' Pasto Lotin'a Same, sango'a Eboa Lotin. A ta a bene bandome ba bome banei : Bunya Same, Sopo Same, Joe Mbule Same, na Same.Longe lao di nde la ndol'a bato, a ta pe a tondobe jita. A pongi esukulu oñola bana basadi o Duala. Esibe to songele ne yese a dieleno biso ka mongele ma bwam. O busise pe myenge ma ñai na ñai : Konkaï Makosa, Dikom lam la moto, Malea, Mumi, Maloko, Bana o topina, n.n.

Ka mudubedi ña bwam pè, Mbango a longi myenge m'ebasi jita, Myenge Ma Bonakristo, tobotobo Mwenge mwa David mu londe 23 : Yehova e mutated'am to lambo na si mataka, a ma jese mba e esanja bewudu ba peña, a diele mba o wuma madiba o wumse, a m'embe mudi mwam ...

Nde sango nde a ma bole longe, mo pe nde a ma nonge mo. O buña bwa 2  Esopesope mwa mun mbu mwa 2009 nde Mbango'a Same a wedino, o 49 mwa mbu , o mbusa mo janane diboa. A dii muna muto mo, Chris-Audrey, na muladi mwa mumi mo, nu ben bukate myodi samba.

Longe la Mbango di titi na di nandabele o man mapapa, nde di ma pula bukate o somele mo WUMSE LA BWAM. Di si mende dimbea oa tom, a dikom lasu la moto!