Maloko ma bana : INJANGA

Maloko ma bautu ma bian bwambwam me man ma mabupe.

 Injanga

Bautu ba bome ba tondi din loko jita. Boke mo ba mabe ba kaka mun’a dale t’epundung’a mińangadu oteten a ngongi indene to o byadi ba myele. Ba madia eyek’epolo moto a makweno ka dinjaki la bwaba, na babo ba pongo mawongo ma milongo o kwene mo. Dongo la bautu ba mateme so din su l’eboko, bane pe dine, na loko di botea. Nu ńaledi ye yoma o dia, a maya te jangwea mo bane be o dine su l’eboko, a makwala na : «Injanga e !» Bane pe ba malabe mo na : «Itoko e !» Na babo ba leke mawongo mabu o pula kwe ye yoma. Yetena mō ńabu a kwe te mo, ke babo bese ba masumwe o betemedi babu, ba timbane epol’a ba ba sele jangweye babo injanga. Tátán so babo pe nde ba mangweye bane. Nika na nika so nde e malano, natē babo mene ba wolo.

Mitila ma ben betiledi mi tindabe̱ nde o Minia na Bede̱mo Basu, C.E.B.E.C. Duala 1960, betiledi 66 : Maloko.

Ben betiledi be ma wea nde biso o : Duala-Duala online Open Hub