Ebiamu'a bwam, Di kusi mun mwèndi, di lomnô wan, nà ba ba tôndi, b'ukeye o nin ndema, o jongwanè o longa ndabo'a bosèdi. Nde tobotobo, moto tè uèlè mô mènè, nga mweña oñola mboa'su ñe ndé o longa Bolongi bwa bosèdi tatanu nga o sangilanè, nika ñe nde o dôlisanè bisô nga o leèlè mwen'ékombo? Lambo tè di bèn ponda, ponda ndema na ponda malèbo... ponda yô lô na ponda jea... ponda idimbè na ponda dutea. Bato ba si benganè lodutanè, sibiè la ñolo le nde mbôt'a edube. Bosèdi bwa mboa o tatan bwe nde tobotobo o mbad'a ngando na musiki, nde setô longè di. Basibi ba ma lôngôlôngônè nde, esibè edube, musima nà bato bèsè ba titi nika. Ba kwalanè tè bato nà biñô ukea o ekwala, lo sawe tô mwatanu mwa euros ndé, môni mu ma kôtôbèlè ndé oñola sawea la bana ba ñuwe esukulu, na si bi nga bato jita ba m'ukea, na nin mbad'a dutea di m'ènènô, nde ye tè ngando : eee ! Moto tè a m'ôngèlè nde dibum lao, nde nika e bèn janda, e bènè pè njôm. Moto tè owèè, ombwèè, Muwekedi a si ma tia iyô tom.