© Mwenge mu lomabe nde na Grace Kama, masoma na mo, dia nongo a si ma lousane bwala! Sinima pe e pongobe nde na mba mene.

Ñango mô a ta mbwang jita. Nu mama a ta a ya muna mumi, mpôm mô. Nde a si ta a sanga mulema tô son. O mboa bu, jita la lotued’a bato i ta. A ta nde ènè babô ka ñama.  Muna’ao a kumo o koka, son son. Ñango a ta a banganè mô na a s’oka maloko na banè bana, e si yabè ba lemisè mô.<o:p></o:p>

<o:p> </o:p>

Muna a ta a baisè mama’ ao na oñola nje a si tôndinô banè bato e ? Nde nun pè alabè na ba bato be nde muyao oñola mbwang mwao, ba ma pula nde môni. Muna a ta a bwanè nika maladi, nde a ta pè a tôndô ñango jita, mayaa ma ta sô ma domea mô mulema, sona mwenge a lôngedinô iñi o ponda maladi mu e nde na :<o:p></o:p>

<o:p> </o:p>

Tô e nde edika, iyo nu<o:p></o:p>

Tô e nde mukubo, iyo nu<o:p></o:p>

Tô e nde bobe, iyo nu<o:p></o:p>

Tô e nde ndima, iyo nu<o:p></o:p>

<o:p> </o:p>

Miña na tomba, mimbu na  tomba, nu mama a duna, a kô diboa, a wô. Muna a dia musôlôki na esôdisôdi. E si bè tô moto. Bato ba kumo sô senga bwam, ba yôyè pè mô. Nde sango mô a kwala : <o:p></o:p>

<o:p> </o:p>

Kèm , a bato ! Lo si takisè muna, a titi njôm’ a  ñango !<o:p></o:p>

<o:p> </o:p>

Nde njo a bato e sèlè siba. Nu papa pè a wedinô, mitusan mi batedi nde peña. Sanga la mulema mwa nu muna bo bodi mô a yaṅa mi minda mèsè.  Nika e bati muna maladi, nde a kaki mulema.<o:p></o:p>

<o:p> </o:p>

Ponda e tombi, na nu muna a timba wô. A wedinô, a alo o Paradisi, o mboa Tetè. O ten, a bomanè ngus’a bato, a pimbi misô o wasa ñango. A s’èn mô. <o:p></o:p>

<o:p> </o:p>

Na mô a baisè Loba o wèni a nèngènô ñango, na a titi jènè mô. Na Loba a leè mô ekukud'a wea, o wèni a pimbinô ñango. Na muna a bwa maladi mandènè. Na sôsumènè Sango na a bweye mô ndedi, ongwanè mô na mama'ao a bè bèbè na mô. <o:p></o:p>

 <o:p></o:p>

Na Loba a kwalanè mô na : <o:p></o:p>

 <o:p></o:p>

Nôngô mun mwasa, ondanè mô ñôngô, wondanè tè mô natè na o môn wan, kè na mèndè jemea mô o mboa'm, na bana bato bèsè, a si wèdi tè o jondea, kè na titi na pè na bola tô lambo oñol'angô.<o:p></o:p>

 <o:p></o:p>

Na muna a timbisèlè masoma. O wa nde a sisedinô bèbè na ekukudu, na mô ènè pè nu sango  ñe   na ni ongwanè mô o ponda ni e na bato ba mboa ba tanô ba takisè mô, ebanja ñango a si ta muyao tô son. Na mô a sunjumea o njôm'a nika. A’ango mwasa, 'umwèlè pè yeyè ao na : <o:p></o:p>

<o:p> </o:p>

A Iyo ña ndolo, mba mun'angô, na pôi o nôngô oa, na pôi o sunga oa, na pôi sumwa oa o ekudud'a wea, mwasa mun, ondea, kumwa landa, natè o tungè o môñ.<o:p></o:p>

 <o:p></o:p>

Na muñèngè mundènè-ndènè mu kwè nu ñango, mô na wèè ! A mun'am, a epuma na bambènô, a mun'am, wôngèlè ñôngô mba, esè jita la ponda na tomsènô o wan, na sèsè, na ndutu, na misôdi, nde wèngè, nika e bôi, tatanu mambo ma ma tukwa, a mun'am, mulema môngô mu sangi.<o:p></o:p>

 <o:p></o:p>

O jondea lao sô, bane baboledi ba myobe be na ba ta o ekukudu a wea na mô, ba kumo o ña mila, mama a botedi jondea, nde ènnô na banè be o pô o duta mwasa o jondea o mbus'ao,o kumo nde o sôsô babô na myende, a dipa babô myende o boso, a kwalanè babô na babu bana pè bè o wèni o pô nôngô babô e ?   <o:p></o:p>

 <o:p></o:p>

Muna a kumo o tè musea : <o:p></o:p>

<o:p> </o:p>

A mama ondea nde esèlè bato ba ye na oa, o s’ombwea babô, nu sango ni e oa mbusa, kwè mô dia, na mô pè ondeye, ebanja na ponda o wedinô, ongwanè mba jita.<o:p></o:p>

 <o:p></o:p>

Ñango pè mô na kèm ! O wa a bangi. Mô na : <o:p></o:p>

<o:p> </o:p>

Mba mènè na ñam muna, na titi na n' emea na a boleye bato bapèpè bukatè mba, kèm, ba bato ba je o wa, mudio mwabu pè mu mèndè pô.<o:p></o:p>

 <o:p></o:p>

Muna a bata yikimènè ñango : <o:p></o:p>

<o:p> </o:p>

A yeyè ña mulema, mwasa mu ni ya kèyè, mun musima mô bukatè nde na bennô o sunga oa, ondea, son, a iyo ondea.<o:p></o:p>

 <o:p></o:p>

Muna a kwè mwasa   na ngiña o duta ñango nde tô nika, a s'ondedi, a jai nde jamba banè loduka. Natètètètè, mwasa mutimba kèyè. Nde muna a ala bupè Loba, mô na son son son a Tetè, bola mba mwasa mupèpè, na mondèlè mama. <o:p></o:p>

<o:p> </o:p>

Loba pè a’alabè nde mô na : <o:p></o:p>

<o:p> </o:p>

Na si langwedi sô oa na ñôngô a ta nde mot'a bobe e ? O pôi sunga mô nje yeki mô na o s’ondea natè a wisamè oa e ? O din dibobè, bosangi nde bo e ten, o sangi moto, mbel'a moto e m’engèlè oa o wase, na o bokisè matumba njoasoa. Tô na mitakisan mèsè o kusinô oñola myobe na nu ñango, diwusè lôngô lèsè di ta nde na mô nde a bambè oa, enisè oa buña, o taki, o tusabè, nde njib'angô ña ndol'a muna e si pôledi tom tom, oñola nika, bonam bo bè na oa, muna inônô.<o:p></o:p>

<o:p> </o:p>

A muna bonam, dina lôngô di lañe wase.      

<o:p></o:p> 

<o:p> </o:p>

Duala sun. ©    </o:p>